Këshilltar i Presidentes së Kosovës, Deda Ilir, thotë se Rezoluta 1244 e OKB-së nuk korrespondon me situatën në Kosovë, ndërsa ka vlerësuar se opsioni më real për normalizimin e marrëdhënieve në mes të Serbisë dhe Kosovës, është modeli i dikurshëm i Gjermanisë Perëndimore dhe asaj Lindore. “Ky model është opsioni më real për normalizimin e marrëdhënieve ndërmjet Kosovës dhe Serbisë që do të shërbejë për ndërtimin e marrëdhënieve të reja midis dy shtete. Më pas do të ndodhë stabilizimi i plotë i situatës në Ballkanin Perëndimor”, ka thënë Deda në një intervistë për të përditshme e Novi Sadit, Dnevnik. Ai ka shtuar se është e dhembshme kur sheh Beogradin se si merret me synime të tejkaluara politike, duke vlerësuar se kjo politikë dëmton Serbinë e më së shumti serbët e Kosovës. Deda ka thënë se dy të tretat e serbëve të Kosovës pranojnë autonominë që ua garanton Kushtetuta e Kosovës, dhe se këtë duhet ta bëjnë edhe serbët në veri të Ibrit. Ai thotë se askush nuk e kushtëzon integrimin e Serbisë me njohjen e Kosovës, sepse është në interes të Kosovës që Serbia të përparojë drejtë BE-së, pasi kjo nënkupton dhe sjelljen dhe përgjegjësitë evropiane të saj. /Telegrafi/
25 Dec 2011
4 Comments
-
skenderi 23 January, 2012 at 20:03“Ky model është opsioni më real për normalizimin e marrëdhënieve ndërmjet Kosovës dhe Serbisë që do të shërbejë për ndërtimin e marrëdhënieve të reja midis dy shtete. Më pas do të ndodhë stabilizimi i plotë i situatës në Ballkanin Perëndimor”.... Jo, z Dedaj, ky është një model i coptimit të trojeve shqiptare, si është coptuar disa herë deri më tani.Republika e Serbisë do ta pranonin me duart e hapura modelin e Juaj po shqiptarët?
-
Vata 49 28 December, 2011 at 15:34Nuk është rastësi deklarimi i kti zotriu,ky ka marrë direktiv nga vllëzërit e tij në beograd çë të inicoj ketë alamet propoziim i cili qarkullon me vite të tëra në serbi po askush nuk u muerr me ket propozim naiv dhe politikisht e pa logjikëshme.Në krijesen jugosllavi ka pasur shum kombe po te gjitha ato kombe i ka lidhe afersija gjuhsore e kombin shqiptar nuk e ka lidhe ama as gjë.Se kjo eshte e kurdisur ja sot Z.Cuper e permend se mun te mirret per baz rasti i dy gjermanive se ket po e kerkojkan edhe kosovaret.
-
emri 25 December, 2011 at 22:34Z.dedaj ju jeni që me herët kur ishin zgjedhjet në kosov thojshit se do ta rujn integritetin e kosovës dhe kufijt e vet, tash po deklaroni deklerata tradhtije se zgjidhje konka modeli gjermanis po ti u konke tradhtar bre po qysh po te mban presidentja ty afër ty po dujka nburg met mshel tradhtar.
-
Drin Korabi 25 December, 2011 at 13:10A do te thote kjo Z. Deda se pas 50 vitesh mendoni per bashkim te serishem me Serbine. Ky do te ishte model i pranueshem afatshkurter por ne raport Shqiperi -Kosove, e jo me S. Ju lutem mos i jepni keso kehilla Znj. Kryetare -Jahjaga, ndersa shpresoj qe ajo as te mos ti degjoje fare keso ... keshillash.
